Agustin Nagwagi Ulirang Guro 2014

Ulirang Guro 2014Maligayang pagbati para kay Armando A. Agustin, guro ng Bukidnon National High School Malaybalay bilang isa sa mga nagwagi sa  Ulirang Guro 2014 na pinangungunahan  ng Komisyon ng Wikang Filipino  (KWF) alinsunod sa Memorandum Pangkagawaran Blg. 64, s. 2014 hinggil sa pagdiriwang sa Buwan ng Wikang Pambansa na may temang “Wika ng Pagkakaisa.”

Makakatanggap ng KWF  medalyon at sertipiko ng pagkikilala  si G. Agustin mula  sa Sangay ng Edukasyon at Networking (SEN),KWF, Manila na ipapadala sa pamamagitan ng  Direktor  Sentro ng Wika at Kultura sa Rehiyon X  ni Rodello Pepito ng Bukidnon State College Lungsod ng Malaybalay. Hinihikayat ng KWF Manila  na magsasagawa ng programa sa  ika -19 ng  Agosto  2014  upang igawad  kay G. Agustin  ang kanyang parangal na maging bahagi ang gawaing  ito sa pagdiriwang ng Buwan ng Wika.

Sa higit isandaan at dalawampung kalahok si G. Agustin ay nagwagi at nagsisilbing halimbawa ng isang mahusay at tapat na guro. Ang karangalan  mo  ay karangalan din ng ating paaralan at Sangay ng Malaybalay. Mabuhay po kayo.  Ang galing galing  mo!  Saludo   kami at hangang – hanga  sa tagumpay na iyong  nakamit .

Lubos na nagpapasalamat ang Tanggapan  ng Tagapamanihala sa pamumuno ni G. Edilberto L. Oplenaria  sa aktibong pakikibahagi  ng BNHS na pinangungunahan ni G. Pariso L. Orong sa patimpalak sa Ulirang Guro sa Filipino 2014. Inaasahan ang patuloy na pagtangkilik sa mga programa ng ating departamento. Congratulations BNHS!!

ni: MARIA CONCEPCION S. REYES
     Tagamasid Pansangay